早兩日收到好多部iMac要upgrade SSD。 好多客人諗住幾日假期前，拎黎機嚟upgrade，首先多謝支持先。老實同你講，我哋見紅日都唔開門嘅。 不過呢，有時比較多機要機，我哋會拉閘喺鋪頭整機，總之盡量假期後搞掂哂比大家。

有咩慘得過星期一要返工？就係星期一返到工發現部電腦壞咗！呢部iMac 2013 21" (A1418)嘅機主返到公司見到部機著唔到，心情就好似今朝場大雨兜頭淋落自己個頭咁。 不過死板嚴格嚟講算係通病嚟嘅，老是常出現。

繼續有客人抵受唔住SSD降價嘅誘惑而做upgrade。呢部iMac 2015 21" 4K (A1418)嘅機主，忍唔住upgrade做1TB SSD。 唔使有罪疚感嘅，你太太用部機嗰陣就明架喇，放心。

當部iMac (2014 27" 5K A1419) 開機有呢幾下噹～噹～噹聲，好似喺eBay訂咗部二手老爺甲蟲返嚟，撻極部車都唔著但係自己著咗咁，無懸念，板已死。 搵我哋幫你救返佢啦！

iMac 2010 27” A1312嘅機主，一直煩惱緊如何用有限budget去裝無限嘅file。 容量也有涯，而file也無涯。以有涯隨無涯，殆已？又未必。 機主掙扎咗半年，決定限米煮限飯，換隻1TB嘅SATA落去，就算冇快到，起碼都擺多啲嘢先。

再鋒利嘅刀都有生鏽嘅一日，但唔代表佢無得救架！ 今日幫客人upgrade咗佢部iMac 2009 20"，換咗個256GB嘅SSD，拎到返公司用咗兩個鐘，打畀我哋話「部機好爽呀呀呀呀！」

通病系列。 又嚟？係，又嚟。話明通病就梗係周時有。 呢部iMac 27" (2011 A1312) 又係出線。由於客人表示急用，決定打尖幫你整咗先。 換完Display card，清埋塵，整好。開著部機，係有啲慢嘅，file太多了。雖然好似好hard...

早幾日啲天氣又焗又熱，郁一郁都成身汗。唔單止行步路都慢啲，個人直頭燥底，恨不得即刻沖返個涼。尋日終於落得出雨喇，今朝出門口有啲涼風，個人爽哂，做嘢醒神啲添。 其實部Mac好似我哋咁，一熱就燥底架喇！點解佢哋會燥呢？因為無處不在嘅塵，積咗喺部機入面，焗住佢啊！...

隨住SSD極速降價，要upgrade部mac個HDD做大容量極速SSD已經唔係遙不可及。 啱啱幫客人朋友upgrade部iMac個HDD做4TB極速SSD，試完機之後極速讚好！

用緊 09、10、11年21同27寸iMac嘅你，有無試過以下情況： 1. 不停restart； 2. 入唔到OS，停咗喺灰畫面； 3. 花畫面。 有的話，係咪好想一拳打爆隻Mon呢？不過千祈唔好呀，因為隻Mon係無辜架！係張Display card有問題啫。...