無處不在嘅塵

早幾日啲天氣又焗又熱，郁一郁都成身汗。唔單止行步路都慢啲，個人直頭燥底，恨不得即刻沖返個涼。尋日終於落得出雨喇，今朝出門口有啲涼風，個人爽哂，做嘢醒神啲添。

其實部Mac好似我哋咁，一熱就燥底架喇！點解佢哋會燥呢？因為無處不在嘅塵，積咗喺部機入面，焗住佢啊！

啱啱幫客人部機清哂啲塵，好處係部機會冇咁熱，run落爽好多架，重會襟用啲添。尤其係張display card，一熱一多塵就唔掂架喇。要幫佢沖個涼清哂啲塵，好似落場大雨洗太平地咁，之後部機會醒神好多架！