歷史遺物 一不離二

重以為收到部Mac Mini好特別，要即刻出post公告天下，啱啱收到呢部重堅，你無聽錯你無睇錯，係Power · Mac · G · 4 · ！

諗住09年月餅盒都算，估唔到今日重有客人挑戰我哋難度，PowerMac G4 Quick Silver 2001都有得拎嚟！

2001年係咩概念？即係大部人重係用緊56K上網，計緊P-net嗰種；有啲有錢啲嘅，就用1.5MB「極速」寬頻，喺Boxup Music用5分鐘去download一首3分鐘嘅歌嘅年代。

還好入行都有咁上下年資，經歷到呢一代Mac機，喺腦裡面嘅長期記憶區搵返啲片段返嚟。老老實實部機係未整好嘅，不過應承你我會盡力㗎喇！