今期常見系列

最近幾乎日日都有客人搵我哋換電。本來換電就冇咩特別，但日日都有就有啲特別喇。

今日lunch後，客人拎咗佢公司部Macbook Pro 13" 2015 (A1502) 嚟換電。一般我哋會叫客人行個圈，或者落街食啲嘢先，無謂喺度等嘥你時間。

跟住客人話，不了，雖然唔急住返工，但行過嚟已經成身汗（佢喺集城行過嚟），寧願喺度等陣涼下冷氣好過。

天氣熱同死電，雖然冇官方數字，英國亦都無研究發現兩者有冇關係，不過如果你怕熱嘅，我哋係可以過嚟你公司／屋企收機去我哋鋪頭度整嘅。