撳著部機有三下嘟嘟聲，毫無疑問，板已死。 好容易locate到問題嘅Macbook Air 13” 2011，換底板就解決到。

睇完兩日有嘢壞嘅機，今日呢部就好好多。 iMac 27” 2014，upgrade 2TB SSD，打爆32GB Ram，將原本1TB滿瀉嘅fusion drive，搬去間大一倍嘅屋度。

雖不至稀有，但都係少有。iMac 27” 2012，死display card。一個月都未必有一部壞板嘅iMac 2012，呢位機主都可算不幸。 換好底板，謹祝機主好運。

稀有嘅唔係部Macbook Pro 13” Mid 2012，而係IO Board壞都可算少見，據說係成部機狠狠地跌落地之後，發現IO Board有問題。 換埋發脹咗嘅電池，upgrade 1TB SSD，將部機還完到良好嘅狀態。

去長洲必食嘅炸魚皮。 #今日唔使行九層樓梯 #係去得遠少少啫

一棟工廈，一部𨋢，一條樓梯。 一部iMac 21.5” 2011要送上9樓。唯一嘅一部𨋢，壞咗。 由於架車有被抄牌嘅風險，決定行樓梯，直奔9樓。 #送機事小機主冇帶飯嘅同事就大件事 #行樓梯之前有徵詢過大廈保安嘅意見 #佢話係呀九樓吖嘛行上去啦

據聞今日係某名牌小學，出小一面試通知嘅日子。幾千人揀幾百人，唔開心嘅一定係佔多數。 暫時未有機會嘅，唔好放棄，個世界總會畀機會孜孜不倦、堅持到底嘅人。 好似呢部iMac 21.5” 2010，畫面再花都好，只要唔放棄佢，換張Display card，一樣用得返。

要先睹Big Sur為快嘅iMac 21.5” 2017嘅機主，雖然係update咗個system，可惜HDD有問題，彩虹波轉個不停。 Upgrade 1TB SSD，搬返個system，可以正式使用啲角好圓嘅新系統。

困擾咗機主多時嘅問題。就係部Macbook Pro 13” 2017 得128GB storage，唔好話back up部電話，想save個大啲嘅file都話冇位。 終於忍夠了。Upgrade 1TB SSD，終於受完冇storage嘅日子。

小休完畢，希望各位嘅假期冇被困喺郊區🤦‍♂️。 究竟係塞去大尾篤耐，定係等彩虹波轉得耐啲？算啦其實不相伯仲。反正機主冇去郊遊，亦唔想再等隻harddisk load data了。 iMac 27” 2014，upgrade 2TB SSD，小休完畢重新上路。

一部條腰伸唔直嘅iMac 27” 2013。 原因得一個，個鉸條彈弓斷咗，換個新嘅鉸就可以解決。收機返嚟開Mon，發現已經換咗SSD，但就裝得非常求其，隻SSD吊吊揈。 換鉸、徹底清塵、將隻SSD裝返好，變返一部內外兼備嘅iMac。

一部用用下會hang機、同埋溫度極高嘅Mac Pro Late 2013，問題唔係太難解決，換AB卡就可以了。 用返比較穩定嘅D300，順便裝返機主提供嘅1TB SSD。就算要點整都好，都好過買新嗰部嘅。

秋天到了（只限上晝9點前），冷氣終於可以開少啲，屋企嘅風扇可謂舉足輕重了。當然，點都唔及Macbook Pro嘅風扇緊要，壞咗唔理嘅話板都燒埋你。 Macbook Pro 15” 2012，upgrade 1TB SSD，順便換埋壞咗嘅風扇。

呢個係機主媽媽自己種嘅🥰 衷心感謝🙇‍♂️

開始有雨了。 #約咗聽朝收機嘅聽朝再同你約時間

有幾粒字消失咗嘅Macbook Air 13” 2015。 大概係唔想每次打字都考自己記性，機主決定換Keyboard，順便upgrade 1TB SSD。

你們是地上的鹽。咁，機入面嘅鹽呢？ 部Macbook Pro 15” 2010，因為LCD發霉，機主約我哋收機換Mon，順便換埋發脹咗嘅電池，同埋被電池整爆嘅Trackpad。 大概係太過潮濕嘅關係，打開部機竟然發現有鹽嘅存在。

Mac mini 2018，盜亦有道，冇得自己換SSD，都可以自己加Ram嘅。 機主決定一係唔加，一係加到盡，打爆64GB Ram佢。

本來只係Upgrade 1TB SSD嘅Macbook Pro 13” 2015，打開底蓋，除咗發現電池脹起，就係見到好多塵。 Upgrade 1TB SSD、clone data、換電、清塵，變返九成新嘅模樣。

部Macbook Pro 13” 2014，餓起上嚟連薯片都擺落口。可惜消化唔到，成塊留咗喺度。又唔知佢走咗去邊度食，走到連四隻腳都唔見埋。 Upgrade 1TB SSD、換電、清塵、清薯片、補返四隻腳，唔好再亂食嘢喇。