放完假一返嚟 就整部咁大塵嘅機嚟換電

聖誕前嘅最後一部 - iMac 27” 2015，upgrade 2TB SSD。 由一部壞咗Harddisk嘅iMac，變返一部upgrade埋SSD嘅機，可以重生過聖誕。 各位，聖誕快樂

要用歷嚟最強大嘅OS，都要喺硬件上稍為配合，就可以避免部機突然變慢。 iMac 27” Late 2015，upgrade 2TB SSD，打爆32GB Ram，變成一部歷嚟最強大嘅iMac 2015。

唔想將輸入法塞入個腦度，就將佢放返喺keyboard上面吧。 Macbook Pro 15” 2016，換中文keyboard，順便換埋電，釋放返個腦嘅空間出嚟。

唔少機主對部機用落有感情，會keep到部機好好。但點Keep都好，總會有損耗嘅一日。 Macbook Pro 13” 2015，upgrade 1TB SSD，換咗已損耗嘅電池，補返兩隻唔見咗嘅腳仔，將佢翻新就可以繼續陪住機主。

本身已經Run得唔快嘅iMac 21.5 2019，update咗Monterey之後，機主發現部機再慢咗。 正常嘅，呢個係物理嘅必然。 Upgrade 2TB SSD同32GB Ram，將已經不合時宜嘅harddisk換走，部機從此重生。

呢一兩日大家應該睇咗好多人哋背面嘅相，我就影返張部機嘅正面相畀大家平衡下。 Macbook Pro 13” 2016，常見問題 - 隻Mon打開45度角以上就冇畫面，結論都係換Mon了事。

又一樣極少數會壞嘅parts。 機主對住部iMac 27” 2011，終於有了足夠嘅憤怒，去令彩虹波消失。 Upgrade 1TB SSD，加多16GB Ram，另外換埋認唔到keyboard mouse嘅藍芽。

通常話燒火牛，一般都係指短路，然後換火牛解決問題。 但呢部iMac 27” 2013，隻火牛真係「燒」咗，不幸地重燒埋底板。 還好底塊未算損壞得好嚴重，整得返，唔使換板。

換電嘅好處，係可以一個價錢，一次過處理幾個問題。 Service battery + 電池脹起嘅Macbook Pro 13” 2015，同時間清埋塵，另外trackpad難撳嘅問題，全部解決晒。 部機終於唔會喺檯面度自轉。

如何霸氣地使用iMac 27” 2019？ 答案係：upgrade i9 CPU、1TB SSD同32GB Ram，暫時未諗到行咩software會難到呢部機。

一部有接近2TB Data嘅iMac 27” 2017，喺系統升級途中，Harddisk突然死亡，從此入唔到系統。 好彩嘅係，機主有經常做backup嘅習慣。同機主講data要入lab做recovery嗰陣，得到嘅係一句瀟灑嘅回覆：「唔使救喇，我有backup」。型爆。...

白蘋果load到2/3，跟住restart；然後，白蘋果load到2/3，跟住restart；之後，白蘋果load到2/3，跟住restart ….. 無限輪迴之後，Macbook Pro 15” 2011嘅機主開始接受現實，並以換底板作結。

有咩慘得過部Macbook Pro 15” 2015入水？ 就係，入完水之後，隔一年入香檳。還好機主有入水嘅經驗，即刻熄機然後求救。 Keyboard就救唔到了，電池要換，另外keyboard backlight都濕透了。好彩係，底板維修到，SSD冇事，可算不幸中之大幸。

那怕你部iMac係2019年機，只要用緊傳統harddisk，開機、開software同load data都係得個等字。 唔想再見到彩虹波自轉嘅機主，擺脫咗「部機都重咁新冇理由咁快要整」嘅心理障礙，決定upgrade 500GB SSD。

講緊嘅唔係將軍澳嘅一個屋苑，而係Mac最新系統。 Mac mini 2014 upgrade 1TB SSD，上最新OS，當然又係一個「歷嚟最強大嘅系統」啦。

已經數唔到係第幾部整完跟埋機主移民嘅機。 Macbook Pro 15” 2014，換電、清塵、換喇叭，準備同機主一齊迎接新生活。

黑色背嘅iMac 24” 2007，只要畀機會佢，總會做到你要求。 Upgrade 2TB SSD，將接近1TB data倒返過去，準備步入佢第15個年頭。

Macbook Air 13” 2011底板連續發出三下「Beep」聲，毫無懸念，板已死。 那怕係2011年嘅Air，換底板，重裝系統，多一部電腦用講到尾都係好事嚟。

根據馬太福音記載，耶穌講過，不要與惡人作對。有人打你的右臉，把左臉也轉給他。 現實係，不要與喇叭作對。一部本來左邊喇叭拆聲嘅Macbook Pro 15” 2014，機主轉晒做右邊出聲，結果係一對喇叭拆聲。