之前搵過我哋upgrade SSD嘅機主，又有部iMac要升級，當然無任歡迎。 可以行32GB Ram嘅iMac 21.5” 2017，機主自備兩條16GB Ram，另外upgrade 1TB SSD，洗機重裝，徹底地變做新機。

一部日日同機主WFH嘅垃圾桶，upgrade 1TB SSD，當然唔少得清塵。遺憾係，又係有一條Ram槽氧化咗。 機主決定不留遺憾，把心一橫換埋CPU board，行返足64GB Ram。

介紹返：一部出土嘅Mac Pro 2012。 被閒放咗一段時間嘅佢，機主嘅公司終於有任務畀佢了。 收機返鋪頭，第一件事清塵先，然後開工upgrade： 1️⃣Radeon Vega 64 8GB GPU 2️⃣2TB SSD 3️⃣48GB Ram...

本身已經用緊500GB SSD嘅iMac 27” 2011，力臻完美嘅機主決定將部機再升級。 Upgrade i7 CPU，打爆32GB Ram，延長部機嘅生命之餘，延續機主同部iMac嘅感情。 #好好人加好好傾嘅機主 #唔使客氣有問題隨時搵我同埋保持聯絡😊

多謝先🙏 #長途車行到一半有補給 #多謝機主提供🙏

又一部新機一樣嘅08年機😊

機主帶部新機一樣Macbook Pro 17" 2008嚟，upgrade 2TB SSD。 呢款design嘅Macbook Pro，加上機主keep到佢新機一樣咁，個人嚟講係相當有feel。

一部機主以為入水好嚴重嘅Macbook Air 11” 2012。 機主即刻熄機，然後求救。還好，情況比機主想像中好，只係Keyboard唧濕咗，其他冇事。 換返EU keyboard，順便upgrade 1TB SSD同換埋電，總算唔使換底板，大步擸過。

開機就「噹」一聲變做「咋」一聲，真係好難接受。都廢事講聽歌睇Youtube嗰陣係有幾咁難受。 Macbook Pro 13" 2015嘅機主，長痛不如陣痛，upgrade 1TB SSD，順便換走對拆聲到無可再拆嘅喇叭。

好一段時間冇出現昆蟲系列，當然係好事嚟。 天地循環，生生不息，總有一日會再遇到。iMac 27” Late 2009，upgrade 1TB SSD，清塵嘅時候，一隻死因冇可疑嘅昆蟲，肢體散落喺display card度。

唔少人為長期Work from home做好準備。 呢部Macbook Pro 13” 2015嘅機主都唔例外，upgrade 500GB SSD，換電池，隨時同部機長期共存，互相監督。

i9系列！重要嘅事已經講咗三次！ 出廠已經upgrade咗SSD同Ram嘅iMac 27” 2019，機主唯一後悔係冇upgrade到CPU。 Upgrade i9 CPU，加多隻2TB SSD，絕對係極速組合❗️

同好多機主一樣，呢部Macbook Pro 13” Mid 2012嘅機主用開有感情，唔捨得換機。 明白嘅，況且新機蘋果Logo冇咗盞燈，唔係個個接受到。但係用緊傳統harddisk嘅佢，更加接受唔到撳咗開機掣之後，淥完個麵都未入到system。 Upgrade 1TB...

HDD同NAS同歸於盡，盡力搶救中。 可以做嘅，係先將部iMac 27” 2013 upgrade 4TB SSD，送返畀機主用住先。

間屋8年冇吸過塵會係點? 可幸係我冇見過，不過Macbook就見過。 Macbook Pro 15" 2012 Retina，換電＋自備SSD Upgrade。 重點，又變咗係清塵。

客人有三部機需要升級：iMac 21.5” 2013，upgrade 1TB SSD；iMac 21.5” 2015，upgrade 1TB SSD；垃圾桶upgrade 1TB SSD + 12 Core CPU。 一樣係唔使過data，直裝系統。同上次嘅分別係：上次一部...

iMac 21.5” 2013，upgrade 2TB SSD 同 16GB Ram。 唔使過data，直裝系統。爽快嘅機主要求只有一個：最好盡快。 約機主夜晚準時8點收機。然後，同一晚，10點半還機。 總算跟到指示。

見到小白，又係懷愐舊物嘅時候。 部機用落冇問題，只係電池脹到整爆個Top case。 Upgrade 1TB SSD、換電池、換Top case、配返隻火牛，一樣行得走得。

想打機或者開學校server，好多時迫不得已要行Windows。 呢部iMac 27” 2011都唔例外，upgrade 1TB SSD，裝返Windows 7，繼續通行世界。

看似簡單啲iMac 27” 2012 Upgrade 1TB SSD，加多16GB Ram。 本身嘅HDD有bad sector，再加上得返唔夠20GB空間，比預計時間足足用多三日先完成。 感激機主嘅理解同耐性。 #同場加映深度清塵