根據一啲都唔科學嘅統計，每年轉天氣嘅時候，係最多壞機之時，今年都唔例外。 又一部iMac 21.5” 2013用用吓自己熄咗機，之後就沒有之後了。還好只係燒咗換牛，順便upgrade埋 1TB SSD。

每次開iMac厚機都有買大細嘅感覺，畢竟用咗10年以上。 通常只有兩種情況：多塵同勁多塵。 今日呢部就唔算係勁多塵嘅。

經過幾日喺麻將檯渡過同以蘿蔔糕充飢嘅日子之後，返返嚟現實世界先。 新年第一部，iMac 21.5” 2017，upgrade 1TB SSD同32GB Ram，從此告別彩虹波狂轉嘅日子。

個人認為 換CPU真係要一萬個小心....... #CPU又彎底板啲針又彎 #究竟係部機慘定機主慘

我承認 開Mon嘅一刻 條件反射咁講咗句粗口

放完假返嚟開嘅第一部iMac 又見到啲老朋友 #聖誕老人爬煙囪你就爬風扇槽 #其實你入嚟嘅目的係乜

今日嘅第一部要upgrade SSD嘅iMac 21” 2011係因為咁...... 希望救得返data啦。

部iMac抬唔起頭？ 就係因為好似呢部咁，個鉸斷咗。換返個鉸就可以堂堂正正伸直條腰喇～

Upgrade SSD係會包埋清塵嘅...... #多塵到咁都可算少見

據聞今日係某名牌小學，出小一面試通知嘅日子。幾千人揀幾百人，唔開心嘅一定係佔多數。 暫時未有機會嘅，唔好放棄，個世界總會畀機會孜孜不倦、堅持到底嘅人。 好似呢部iMac 21.5” 2010，畫面再花都好，只要唔放棄佢，換張Display card，一樣用得返。

「本來好地地㗎，熄機再開就變咗咁喇😭！」 HDD壽命終結時，就係咁殘忍，就係咁突然，唔好以為可以叫晒親戚朋友嚟見佢最後一面。 物有本末，是有終始。無論如何，將部iMac 27” 2015 upgrade 1TB SSD，裝返系統畀機主用住先。 舊HDD救緊data，幫緊你集氣。

出外靠朋友，換SSD都係靠朋友？ 應該係，除非唔係。iMac 27” 2015嘅機主，有朋友捱義氣幫佢upgrade SSD。有朋自遠方來，梗係高興啦，事就這樣成了。 也許，他真是整得太累；也許，也許佢要睡一睡；稍一不慎，就喺準備加Ram嘅一刻，隻Mon 90度跌咗落檯。...

iMac厚機常見問題 - 白蘋果load到3/4之後restart。半年嚟冇入過系統嘅iMac 27” 2011，機主決定畀多次機會佢，先換display card。 本身係i7嘅佢，最後機主決定唔好畀隻舊Harddisk蹉跎歲月，upgrade埋1TB SSD。

iMac 24” 2009，Upgrade 1TB SSD同8GB Ram。 之後試機，發現電源頭有問題。雖然拆裝非常大工程，但總算幫機主解決困擾咗一段時間嘅問題。 #多謝機主一大袋嘅文具😊

個個都WFH，唔通個個都想WFH？尤其係有部接近完全死板嘅iMac 27” 2014，個Kernel task keep住高到會以為部機隨時爆炸咁，莫講話用嚟返工，直頭連部機都唔想開。 一直踩住鋼線嘅機主，終於頂唔住，問我哋如果換板要搞幾耐，當時大約晏晝4點。我話如果你唔怕...

本身已經用緊500GB SSD嘅iMac 27” 2011，力臻完美嘅機主決定將部機再升級。 Upgrade i7 CPU，打爆32GB Ram，延長部機嘅生命之餘，延續機主同部iMac嘅感情。 #好好人加好好傾嘅機主 #唔使客氣有問題隨時搵我同埋保持聯絡😊

又一部新機一樣嘅08年機😊

好一段時間冇出現昆蟲系列，當然係好事嚟。 天地循環，生生不息，總有一日會再遇到。iMac 27” Late 2009，upgrade 1TB SSD，清塵嘅時候，一隻死因冇可疑嘅昆蟲，肢體散落喺display card度。

HDD同NAS同歸於盡，盡力搶救中。 可以做嘅，係先將部iMac 27” 2013 upgrade 4TB SSD，送返畀機主用住先。

開著部iMac 24” Early 2009見到整齊排列好嘅線，當然唔係好事。 很遺憾，換Display card嘅時候到了。