有咩慘得過星期一要返工？就係星期一返到工發現部電腦壞咗！呢部iMac 2013 21" (A1418)嘅機主返到公司見到部機著唔到，心情就好似今朝場大雨兜頭淋落自己個頭咁。 不過死板嚴格嚟講算係通病嚟嘅，老是常出現。

Macbook Pro 2011 15" (A1286) 出現咁嘅情況，唔奇嘅，年終都接唔少機係咁壞。 換咗塊底板就解決到架喇。

呢部Macbook Pro 15" (2015 A1398) 嘅機主一起身開機見到個display花哂，以為自己未瞓醒，幻覺嚟啫，嚇佢唔到嘅。刷完牙洗埋面，咦？重係咁喎！做咩啫Macbook你，我想用機呀！ 呢種情況，無辦法，只能換display。機主係有一刻動搖過不如換機...

繼續有客人抵受唔住SSD降價嘅誘惑而做upgrade。呢部iMac 2015 21" 4K (A1418)嘅機主，忍唔住upgrade做1TB SSD。 唔使有罪疚感嘅，你太太用部機嗰陣就明架喇，放心。

當部iMac (2014 27" 5K A1419) 開機有呢幾下噹～噹～噹聲，好似喺eBay訂咗部二手老爺甲蟲返嚟，撻極部車都唔著但係自己著咗咁，無懸念，板已死。 搵我哋幫你救返佢啦！

iMac 2010 27” A1312嘅機主，一直煩惱緊如何用有限budget去裝無限嘅file。 容量也有涯，而file也無涯。以有涯隨無涯，殆已？又未必。 機主掙扎咗半年，決定限米煮限飯，換隻1TB嘅SATA落去，就算冇快到，起碼都擺多啲嘢先。

聽到三下嘟嘟聲，毫無懸念。部Macbook Air 2011 13" (A1369) ，板已死。 如有雷同，搵我哋幫你整好佢啦，整完好快忘記塊死板架喇。

再鋒利嘅刀都有生鏽嘅一日，但唔代表佢無得救架！ 今日幫客人upgrade咗佢部iMac 2009 20"，換咗個256GB嘅SSD，拎到返公司用咗兩個鐘，打畀我哋話「部機好爽呀呀呀呀！」

Upgrade做SSD嘅最大好處，係明明係同一部機，但用落突然快咗幾倍，部機彷彿經歷第二春。 部Macbook Air 2014 A1465嘅機主拎返部機之後，重新愛上佢。